حنك النمل البيعضي..الما بعضي ما معانا..!!
بدون السؤال والتساؤل ماذا سنعرف؟ بدون الدهشة والحيرة والقلق، ما الذي سوف يستفز في نفوسنا وعقولنا غير السؤال؟؟
إندهشت هي في البداية لإقتطاع مبلغ ضخم من راتب زوجها في نهاية كل شهر، إحتارت لشح إحتياجات البيت في الآونة الأخيرة، ثم إنتابها القلق وركبت آلاف الشياطين برأسها وأضحت المسألة حياة حياة أو مووووت!! وقررت حينها طرح السؤال!!
ـ لي ستة شهور صابرة وممكونة الليلة بس دايرة أفهم الحاصل شنو؟
- يا ولية إستهدي بالله مالك في شنو؟
ـ في شنو كيف!! إنت عرست من وراي ولا شنو قروشك بتوديها وين؟
تنحنح قليلاً، دنكل سفة ألقمها فمه من الحُقه مباشرة لفمه وهناك بحيثما إتفاق كورها اللسان وقذفها في دهليز عميق لم يبدو من أثرها شئ في منظره الخارجي بعدها .ـ
إنت عارفة أنا شغال ضابط في الجيش صاح؟
ـ والجديد شنو؟ أنا بسألك من مصاريف البيت ليييييه نقصت ما تلولو الكلام؟!!ـ
إنت عارفة أمي ضغطها إرتفع ومحتاجة علاج وبرسل ليها نص الراتب .
إنحنى نحوها بشكل فجائي وأضاف بهمس ،
ـ وبيني وبينك عاملين شيرنق تحت تحت بندفع لي كم واحد كدة لأنو دايرين نقلبها الحكومة دي ..
إبتسمت بمكر قبل أن تنهض لأعبائها المنزلية..
ـ الحكومة يشيلها الله.. بس ..كُ..... أمك حبيبي....!! 
تعليقات
إرسال تعليق